झापा, सुरुङ्गाको एमालेका २ पटक निर्वाचित गाउं विकास समितिका अध्यक्ष र पछि लामो समय स्वतन्त्र रहेर गत स्थानिय चुनावमा मेयरमा सम्मानजनक मतका साथ तेस्रो स्थान हासिल गरेका भिम प्रसाद अधिकारीको नेतृत्वमा विभिन्न दलसंग आवद्ध र स्वतन्त्रहरू गरी १६० जना विवेकशील साझा पार्टी प्रवेश गरेका छन्।

आज सुरुङ्गामा आयोजित एक कार्यक्रमका बीच अधिकारीले लामो समयदेखि आफूहरू विश्वासिलो लोकतान्त्रिक वैकल्पिक पार्टीको प्रतिक्षामा रहेको र त्यो रिक्तता विवेकशील साझा पार्टीले पुर्ति गरेको बताए।

विवेकशील साझा पार्टीले २०७५ साललाई एक लाख सदस्य बनाउने उद्देश्यका साथ संगठन विस्तार वर्ष घोषित गरेको छ।

हामी हाम्रो मूल्य-मान्यता, उद्देश्य र दृढतामा आस्था राख्ने देश तथा विदेशमा रहेका नेपालीलाई www.bibeksheelsajha.org मा गएर सदस्यता लिन तथा देशभरी सुरुङ्गाको जस्तै कार्यक्रमहरू आयोजना गर्न हार्दिक अपिल गर्दछौं।