गत आर्थिक वर्षको मुनाफाबाट नबिल बैंकले १५.८० प्रतिशत लाभांश बाँड्ने प्रस्ताव

In Headlines, अर्थ
September 7, 2026
Sushil Paudyal

२२ भदौ २०८३, सोमबार

नबिल बैंक लिमिटेडले गत आर्थिक वर्ष २०८२/८३ को मुनाफाबाट सेयरधनीहरूलाई १५.८० प्रतिशत लाभांश वितरण गर्ने प्रस्ताव गरेको छ। बैंकको सञ्चालक समितिको बैठकले साधारण सेयरतर्फ ५ प्रतिशत बोनस सेयर (रु १ अर्ब ३५ करोड २८ लाख बराबर) र १०.८० प्रतिशत नगद लाभांश (करसहित रु २ अर्ब ९२ करोड २१ लाख बराबर) दिने प्रस्ताव गरेको हो। यसका साथै, बैंकको ८ प्रतिशत अविमोच्य असञ्चिति अग्राधिकार सेयरतर्फ ८ प्रतिशतका दरले रु २३ करोड ३४ लाख नगद लाभांशसमेत सिफारिस गरिएको छ।

हाल बैंकको साधारण सेयरतर्फको चुक्ता पुँजी रु २७ अर्ब ५ करोड र अग्राधिकार सेयरतर्फ रु ५ अर्ब रहेको छ। प्रस्तावित लाभांश नेपाल राष्ट्र बैंकको स्वीकृति र बैंकको आगामी वार्षिक साधारणसभाबाट पारित भएपछि मात्र सेयरधनीहरूमा वितरण गरिनेछ। हाल नबिल बैंकले देशभर रहेका २६३ शाखा र ३१५ एटीएममार्फत २६ लाखभन्दा बढी ग्राहकहरूलाई वित्तीय सेवा प्रदान गर्दै आएको छ।

तपाईंको प्रतिकृया