अकल्पनीय भोटेकोशी बाढीको १३ औँ दिन: ज्यान गुमाएकाहरूप्रति देशभर राष्ट्रिय शोक

In Headlines
September 7, 2026
Sushil Paudyal

२२ भदौ २०८३, सोमबार

भदौ १० गते रसुवाको भोटेकोशी नदीमा आएको विनाशकारी बाढीमा परी ज्यान गुमाएका नागरिकहरूको सम्मानमा सोमबार (भदौ २२ गते) १३ औँ दिनको पुण्यतिथिमा देशभर राष्ट्रिय शोक मनाइएको छ। मन्त्रिपरिषद्को भदौ १८ गते बसेको बैठकको निर्णयअनुसार स्वदेशका सबै सरकारी कार्यालयहरू तथा विदेशस्थित नेपाली दूतावास र कूटनीतिक नियोगहरूमा राष्ट्रिय झण्डा आधा झुकाइएको छ। बाढीका कारण हालसम्म १,३०० भन्दा बढी नागरिकको ज्यान गइसकेको छ भने फेला परेका अधिकांश शवहरू पहिचान गर्न नसकिने अवस्थामा रहेकाले डिएनए परीक्षण प्रक्रियालाई तीव्रताका साथ अघि बढाइएको छ।

यस अकल्पनीय विपद्‌मा ४,९०० भन्दा बढी मानिसहरू अझै सम्पर्कविहीन छन् भने ६,००० भन्दा बढी नागरिक घाइते भएका छन्। राष्ट्रिय विपद् जोखिम न्यूनीकरण तथा व्यवस्थापन प्राधिकरण र सुरक्षा निकायको निरन्तर प्रयासमा हालसम्म १३,३९० भन्दा बढी प्रभावित नागरिकहरूको सकुशल उद्धार गरी रसुवा, नुवाकोट र धादिङका होल्डिङ सेन्टरहरूमा व्यवस्थापन गरिएको छ। खोज, उद्धार तथा राहत कार्यका लागि २१,४०० भन्दा बढी सुरक्षाकर्मी परिचालन गरिएका छन् भने प्राधिकरण र प्रहरी प्रशासनले सम्पर्कविहीन नागरिकका आफन्तहरूलाई शव पहिचानमा सघाउन नजिकैको प्रहरी कार्यालयमा डिएनए नमुना उपलब्ध गराउन अपिल गरेका छन्।

तपाईंको प्रतिकृया