सुरुङभित्र १० दिनको सङ्घर्ष: चिनियाँ नागरिकको चमत्कारिक उद्धार

In Headlines
September 5, 2026
Sushil Paudyal

२० भदौ २०८३, शनिबार

भोटेकोशी र त्रिशूली नदी करिडोरमा भदौ १० (अगस्ट २६) मा आएको विनाशकारी बाढीपछि माथिल्लो त्रिशूली-१ जलविद्युत् आयोजनाको सुरुङभित्र १० दिनदेखि थुनिएका एक चिनियाँ नागरिकको जीवितै चमत्कारिक उद्धार गरिएको छ। नेपाली सेना र दक्षिण कोरियाका प्रकोप विज्ञहरूसहितको संयुक्त उद्धार टोलीले लुहाइताओ (Luhaitao) नाम गरेका ती चिनियाँ कामदारलाई अडिट सुरुङ-४ को करिब २२५ मिटर भित्रबाट जीवितै बाहिर निकालेको हो।

नेपाली सेनाका प्रवक्ता राजाराम बस्नेतका अनुसार उद्धार लगत्तै उनलाई हेलिकप्टरमार्फत नुवाकोटको त्रिशूलीस्थित मैधली ब्यारक लगिएको छ, जहाँ उनको स्वास्थ्य परीक्षण र प्राथमिक उपचार भइरहेको छ। बाढीका कारण जलविद्युत् आयोजनाका संरचनाहरू ध्वस्त हुनुका साथै सुरुङभित्र अझै अन्य कामदारहरू पनि थुनिएको हुन सक्ने आशङ्कामा उद्धार टोलीले आधुनिक उपकरण र उच्च प्रविधिको प्रयोग गरी निरन्तर खोज तथा उद्धार कार्य जारी राखेको छ।

चिनियाँ नागरिकको उद्धारका सम्बन्धमा चिनियाँ पक्षबाट महत्वपूर्ण प्रतिक्रियाहरू आएका छन्। उद्धार लगत्तै काठमाडौँस्थित चिनियाँ दूतावासको टोलीले अस्पताल पुगेर आफ्ना नागरिकको स्वास्थ्य अवस्थाबारे जानकारी लिनुका साथै सफल उद्धारका लागि नेपाली सेना र उद्धारकर्ताहरूप्रति आभार व्यक्त गरेको छ।

तपाईंको प्रतिकृया