१५ भदौ २०८३, सोमबार

सिंहदरबारमा प्रधानमन्त्री तथा मन्त्रिपरिषद्को कार्यालयमा प्रधानमन्त्री वालेन्द्र शाह र राष्ट्रिय स्वतन्त्र पार्टी (रास्वपा) का सभापति रवि लामिछानेबीच भेटवार्ता भएको छ।

भेटका क्रममा रसुवाको भोटेकोशी नदीमा आएको बाढीका कारण प्रभावित क्षेत्रमा सरकारले गरिरहेका प्रयासहरूबारे गहन छलफल भएको छ। प्रधानमन्त्रीका प्रेस सल्लाहकार दीपा दाहालका अनुसार उक्त छलफल मुख्यतया बाढी प्रभावित क्षेत्रमा भइरहेको खोज, उद्धार, र राहत वितरणका साथै प्रभावित नागरिकहरूको व्यवस्थापन र दीर्घकालीन पुनःस्थापनाका विषयहरूमा केन्द्रित रहेको छ।

प्रधानमन्त्री शाहले विपद् प्रभावित क्षेत्रमा नागरिकको जीउधनको रक्षा, राहत सामग्रीको सहज पहुँच र पुनःस्थापनाका लागि सरकारी संयन्त्रहरू पूर्ण क्षमताका साथ परिचालन गरिएको जानकारी गराए।