संवेदनशील सूचना चुहावट प्रकरण: सशस्त्रका एआईजी दाहाल सेवाबाट निष्कासित

In Headlines
October 9, 2026
Sushil Paudyal

असोज २३, २०८३ शुक्रबार

काठमाडौं : सशस्त्र प्रहरीका एआईजी वंशीराज दाहाल राज्यका संवेदनशील सूचना चुहाएको गम्भीर आरोपमा बर्खास्तमा परेका छन्। गृह मन्त्रालयले पदीय आचरणविपरीत कार्य गरी अनधिकृत व्यक्तिलाई सूचना पुर्‍याएको ठहर गर्दै उनलाई सेवाबाट हटाउने निर्णय गरेको हो। गृह मन्त्रालयका प्रवक्ता एवं सहसचिव आनन्द काफ्लेले दाहाललाई बर्खास्त गरिएको पुष्टि गरेका छन्।

दाहालमाथि लागेको आरोपबारे निष्पक्ष छानबिनका लागि सशस्त्र प्रहरी बलका एआईजी अञ्जनीकुमार पोखरेलको संयोजकत्वमा एक उच्चस्तरीय छानबिन समिति गठन गरिएको थियो। उक्त समितिले गहन अनुसन्धानपश्चात् आफ्नो प्रतिवेदन गृहमन्त्री सुधन गुरुङसमक्ष बुझाउँदै दाहालले पदीय मर्यादा उल्लङ्घन गरेको निष्कर्षसहित बर्खास्तीको सिफारिस गरेको थियो। यसअघि पनि प्रकरणको गम्भीरतालाई ध्यानमा राख्दै मन्त्रालयले उनलाई निलम्बन गरेर कारबाही प्रक्रिया अघि बढाएको थियो।

सशस्त्र प्रहरी नियमावली, २०७२ को नियम ११३ मा पदीय आचरण विपरीत काम गर्ने अधिकारीलाई सेवाबाट हटाउने वा बर्खास्त गर्ने कडा विभागीय सजायको व्यवस्था छ। नियम ११५ बमोजिम एआईजी तहका अधिकारीलाई यस्तो कारबाही गर्ने अधिकार गृहमन्त्रीमा निहित रहन्छ। यद्यपि, नियमावली अनुसार यो निर्णयविरुद्ध दाहालले मन्त्रिपरिषद्मा पुनरावेदन दिन सक्ने कानुनी बाटो भने खुला नै छ।

आउँदो असोज २८ गते आफ्नो चार वर्षे पदावधि पूरा गर्न लागेका दाहालको पदावधि थप गर्न सशस्त्र प्रहरी मुख्यालयले मन्त्रालयसमक्ष सिफारिस गरिसकेको थियो। तर, पदावधि सकिनै लाग्दा आएको यो बर्खास्तीको निर्णयले उनको पदावधि एक वर्ष विस्तार हुने सम्भावनालाई पूर्णतः समाप्त पारिदिएको छ।

सशस्त्र प्रहरी बलका अतिरिक्त महानिरीक्षक (एआईजी) वंशीराज दाहाल बर्खास्तीमा पर्नुको मुख्य कारण पूर्वप्रधानन्यायाधीश चोलेन्द्रशम्शेर राणाको गिरफ्तारीपछि उनीसँग जोडिएका अनधिकृत व्यक्तिलाई राज्यका गोप्य सूचना पुर्‍याउनु हो। राणा प्रहरी नियन्त्रणमा परेका बेला एआईजी दाहाल कुनै विभागीय स्वीकृति वा अनुमति नलिई राति ३ बजे परिसर पुगेका थिए। सो भेटघाटलगत्तै सुरक्षा परिचालन र अनुसन्धानसँग सम्बन्धित संवेदनशील सूचनाहरू बाहिर चुहिएका थिए।

अनुसन्धानका क्रममा दाहालले राणासँगै जोडिएका इनाम सापकोटासँग नियमित सम्पर्कमा रही सुरक्षा संयन्त्रका गोप्य सूचना सम्प्रेषण गरेको खुलेको थियो। स्पष्टीकरण सोध्दा उनले नाताले नातेदार पर्ने भएकाले भेट्न गएको दाबी गरे पनि गृह मन्त्रालयले त्यसलाई अस्विकार गर्‍यो। तत्पश्चात् एआईजी अञ्जनीकुमार पोखरेलको नेतृत्वमा गठित छानबिन समितिले दाहालले पदीय मर्यादा उल्लङ्घन र सुरक्षा गोपनीयता भङ्ग गरेको ठहर गर्दै बर्खास्तीको सिफारिस गरेपछि सरकारले उनलाई सेवाबाट निष्कासन गरेको हो।

तपाईंको प्रतिकृया

𝚆𝚎 𝚛𝚎𝚙𝚘𝚛𝚝 𝚝𝚘 𝚢𝚘𝚞

संवेदनशील सूचना चुहावट प्रकरण: सशस्त्रका एआईजी दाहाल सेवाबाट निष्कासित

अन्य खबर

ह्वीलिङ चार्ज सहित निजी क्षेत्रलाई राष्ट्रिय प्रसारण लाइन प्रयोग गर्न खुला

होसियार ! कतै तपाईको पनि अकाउंट ह्याक होला नी -' नेपाली गर्ल ' नामको एपबाट साबधान

होर्डिङ बोर्ड, सामाजिक संजाल र अन्य सञ्चारमाध्यमबाट मदिराका विज्ञापन तत्काल हटाउन निर्देशन

होन्डुरसको महिला कारागारमा ग्यांग वार हुँदा ४१ कैदीको मृत्यु

होटल भदगाउँलाई दक्षिण एशियाली पर्यटन पुरस्कार (SATA) २०२५ मा ‘लीडिङ बुटिक होटल/रिसोर्ट’ श्रेणी

हेलाे सरकारमा बारम्बार साेधिने प्रश्नहरू

ताजा खबर

लगानीकर्ताको दबाबपछि पछि हट्यो सेबोन: ५ प्रतिशत र १५ दिनको पूर्वसूचना दिने नियम परिमार्जन

संवेदनशील सूचना चुहावट प्रकरण: सशस्त्रका एआईजी दाहाल सेवाबाट निष्कासित

बूढानीलकण्ठबाट २१ किलो अवैध सुन बरामद: सङ्गठित सुन तस्करीको नयाँ र गम्भीर सञ्जालको पर्दाफास

उखु किसानका लागि साढे एक अर्ब अनुदान स्वीकृत: कृषि क्षेत्रमा सकारात्मक तरङ्ग

भुजुङ्ग हाइड्रोपावर लिमिटेडको पाँचौ वार्षिक साधारण सभा सम्पन्न

सुस्ताएको बजारमा सामान्य सुधार: २५७४ विन्दुमा पुग्यो नेप्से, कुथेली बुखारी हाइड्रोमा सर्किट

भारतीय दिग्गज अभिनेता नाना पाटेकर निधन

२५ अर्बभन्दा बढी कर्जा प्रवाह हुँदासमेत सेयर बजार सुस्त: अपेक्षाअनुसार अघि बढ्न सकेन मार्जिन ट्रेडिङ