आइतबार १८ असोज, २०८३

काठमाडौँ । नेपाली कांग्रेसको बहुप्रतिक्षित १५औँ महाधिवेशन आजदेखि काठमाडौँमा औपचारिक रूपमा सुरु हुँदैछ।

कांग्रेसले निजी क्षेत्रलाई उत्पादन, रोजगारी र राजस्वको प्रमुख संवाहकका रूपमा अघि बढाउने नीति लिएको छ। व्यवसाय सञ्चालनमा देखिएका कानुनी तथा प्रशासनिक झन्झट घटाउने, उद्यममैत्री कानुन निर्माण गर्ने, कर नीति स्थिर र पूर्वानुमानयोग्य बनाउने तथा लगानीको सुरक्षा सुनिश्चित गर्ने विषयलाई आर्थिक नीतिको महत्वपूर्ण आधार बनाइएको छ।

देशैभरिबाट हजारौँ प्रतिनिधि, नेता तथा कार्यकर्ताहरूको उत्साहजनक उपस्थिति रहने यस महाधिवेशनलाई लक्षित गरी आयोजक तथा उपत्यका ट्राफिक प्रहरी महाशाखाले यातायात व्यवस्थापन र पार्किङको विशेष प्रबन्ध मिलाएको छ। महाधिवेशन अवधिभर काठमाडौँ उपत्यकाको सवारी आवागमनलाई सहज र व्यवस्थित बनाउन मुख्य कार्यक्रमस्थल वरपरका विभिन्न स्थानमा पार्किङको छुट्टाछुट्टै व्यवस्था गरिएको छ।