एमालेभित्र नेतृत्व रूपान्तरण र पुनर्गठनको बहस पेचिलो, शीर्ष नेताहरूको भूमिकामाथि प्रश्न

३० भदौ २०८३, मंगलबार

निर्वाचनमा बेहोरेको पराजय र पछिल्लो राजनीतिक परिस्थितिपछि नेकपा (एमाले) भित्र नेतृत्व रूपान्तरण र पार्टी पुनर्गठनको मुद्दा झन् पेचिलो बन्दै गएको छ। पार्टीलाई पुरानै ढर्राबाट चलाउन नसकिने भन्दै शीर्ष नेतृत्वदेखि तल्लो तहसम्म व्यापक साङ्गठनिक फेरबदलको माग उठिरहँदा पुनर्गठन अभियानका मुख्य अभियन्ता मानिएका उपाध्यक्ष विष्णुप्रसाद पौडेल र महासचिव शंकर पोखरेलको पछिल्लो भूमिकालाई लिएर नयाँ बहस सुरु भएको छ।

चुनावको नतिजा सार्वजनिक भएसँगै नीति, नेतृत्व र कार्यशैली पुनर्गठनको प्रतिबद्धता जनाएका पौडेल पछिल्लो समय हिरासतबाट छुटेपछि मौन देखिएका छन्। अर्कातिर, महासचिव पोखरेलले नेतृत्व परिवर्तन संस्थागत प्रक्रिया र विधानअनुसार मात्रै हुने भन्दै तत्काल नेतृत्व फेरबदल टड्कारो आवश्यकता नरहेको सङ्केत गरेपछि यी दुई नेता अभियानबाट पछि हटेका हुन् कि भन्ने आशङ्का एमालेवृत्तमा उठेको छ। यद्यपि, पुनर्गठन पक्षधर नेताहरू भने यी शीर्ष नेताहरू आफ्नो अडानबाट पछि नहटेको र सुनियोजित प्रचार मात्र गरिएको दाबी गर्छन्।

अर्कातर्फ, पार्टी अध्यक्ष केपी शर्मा ओली भने नेतृत्व नछाड्ने अडानमा कायमै छन्। सार्वजनिक गतिविधि र पार्टी कार्यक्रमहरूमा सक्रियता बढाउँदै ओलीले पुनर्गठनका नाममा हुने असन्तुष्टिलाई अराजकताको संज्ञा दिँदै कारबाहीको चेतावनी दिइरहेका छन्। उपाध्यक्ष रामबहादुर थापा ‘बादल’ नेतृत्वको कार्यदलले तयार पारेको प्रतिवेदन र बागमती प्रदेशका केन्द्रीय सदस्यहरूको लिखित असन्तुष्टिसहितका विषयहरूलाई कसरी व्यवस्थापन गर्ने भन्नेमा कार्यदललाई हम्मेहम्मे परिरहेको छ।

यसै खिचातानीका बीच साझा प्रतिवेदन तयार पार्ने उद्देश्यले बल्थलीमा आयोजना गरिएको कार्यदलको दुईदिने आवासीय बैठकसमेत कुनै निष्कर्षमा पुग्न सकेन । बैठक अनिर्णित बनेपछि दुई फरक-फरक प्रतिवेदनलाई एउटै साझा दस्तावेजमा ढाल्न रामबहादुर थापा ‘बादल’, विष्णु पौडेल र शंकर पोखरेल सम्मिलित तीनसदस्यीय उपसमिति गठन गरिएको छ । उपसमितिमा पौडेलको झुकाव पनि पोखरेलतर्फ नै देखिएकाले पोखरेलका मूल प्रस्तावहरू पारित हुने सम्भावना प्रबल बनेको छ ।

अध्यक्ष ओलीको कडा रुख, पुनर्गठन पक्षधरहरूको दबाब र शीर्ष नेताहरूको रणनीतिक मौनताबीच एमालेभित्रको शक्ति सन्तुलन कुन दिशातर्फ मोडिन्छ भन्ने कुरा आगामी बैठक तथा कार्यदलको अन्तिम प्रतिवेदनले निर्धारण गर्ने देखिन्छ।

तपाईंको प्रतिकृया

𝚆𝚎 𝚛𝚎𝚙𝚘𝚛𝚝 𝚝𝚘 𝚢𝚘𝚞

एमालेभित्र नेतृत्व रूपान्तरण र पुनर्गठनको बहस पेचिलो, शीर्ष नेताहरूको भूमिकामाथि प्रश्न

अन्य खबर

होसियार ! कतै तपाईको पनि अकाउंट ह्याक होला नी -' नेपाली गर्ल ' नामको एपबाट साबधान

होर्डिङ बोर्ड, सामाजिक संजाल र अन्य सञ्चारमाध्यमबाट मदिराका विज्ञापन तत्काल हटाउन निर्देशन

होन्डुरसको महिला कारागारमा ग्यांग वार हुँदा ४१ कैदीको मृत्यु

होटल भदगाउँलाई दक्षिण एशियाली पर्यटन पुरस्कार (SATA) २०२५ मा ‘लीडिङ बुटिक होटल/रिसोर्ट’ श्रेणी

हेलाे सरकारमा बारम्बार साेधिने प्रश्नहरू

हेबीवेट छक्कापञ्जा ४’ र ‘छड्के २’ प्रदर्शन हुने भएपछि ‘परस्त्री’ र ‘परदेशी २’को रिलिज रोकियो

ताजा खबर

रास्वपाको आह्वानमा आज सर्वदलीय बैठक बस्दै

२० औं एसियन गेम्स: नेपाली महिला भलिबल टोलीसामु ६ छैटौं वरियताको जापानको कडा चुनौती

एमालेभित्र नेतृत्व रूपान्तरण र पुनर्गठनको बहस पेचिलो, शीर्ष नेताहरूको भूमिकामाथि प्रश्न

अर्थमन्त्री स्वर्णिम वाग्ले दुई दिने भ्रमणका लागि भारत जाँदै

फिफा अध्यक्ष जियानी इन्फान्टिनोमाथि तत्काल स्वतन्त्र छानबिन गर्न माग

युक्रेन-पोल्यान्ड सीमा नजिकै रुसी ड्रोन आक्रमण: उच्च युरोपेली कूटनीतिक टोली जोगियो

नेपाली कांग्रेसको आन्तरिक विवाद: संस्थापन इतर समूहद्वारा आफ्नै ढंगले महाधिवेशन प्रक्रिया अघि बढाउने निर्णय

कृष्णभीरमा नयाँ ट्रयाक परीक्षण, आगामी तीन-चार दिनभित्र यातायात सहज हुने