२०८३ भदौ १२ गते

नेपाली मिक्सड मार्सल आर्ट्स (MMA) फाइटर रवीन्द्र ढाँटले चीनको साङ्घाईमा भएको रोड टु युएफसी सिजन–५ अन्तर्गत ब्यान्तमवेट तौल समूहको सेमिफाइनल जित्दै इतिहास रचना गर्नुभएको छ।

उहाँले न्युजिल्यान्डका अहिलेसम्म अपराजित रहेका फाइटर कासिब मर्डोक (Kasib Murdoch) लाई तीन राउन्डको कडा प्रतिस्पर्धापछि स्प्लिट डिसिजन (Split Decision) का आधारमा पराजित गर्नुभएको हो। तीनै जना जजहरूले २९–२८ को समान स्कोर दिएकोमा दुई जजको समर्थन पाउँदै ढाँट विजयी घोषित हुनुभएको थियो।

यस ऐतिहासिक जितसँगै ‘बझाङ्गी बाघ’ उपनामले परिचित रवीन्द्र ‘रोड टु युएफसी’ को फाइनलमा पुग्ने पहिलो नेपाली फाइटर बन्नुभएको छ। अब फाइनल भिडन्तमा उहाँले जापानका फाइटर र्यो ताजिमा (Ryo Tajima) सँग प्रतिस्पर्धा गर्नुहुनेछ। यदि ढाँटले फाइनल खेल पनि जित्न सफल हुनुभयो भने उहाँले विश्वकै सबैभन्दा ठूलो र प्रतिष्ठित MMA संस्था Ultimate Fighting Championship (UFC) सँग आधिकारिक व्यावसायिक सम्झौता प्राप्त गरी UFC अक्टागनमा प्रवेश गर्ने पहिलो नेपाली खेलाडी बन्ने स्वर्ण इतिहास कायम गर्नुहुनेछ।  

उहाँले उद्घाटन चरण अर्थात् क्वार्टरफाइनल खेलमा फिलिपिन्सका फाइटर किम्बर्ट अलिनटोजोन (Kimbert Alintozon) लाई दोस्रो राउन्डमा प्राविधिक नकआउट (TKO) मार्फत पराजित गर्दै सेमिफाइनलमा आफ्नो ठाउँ पक्का गर्नुभएको थियो। त्यसपछि साङ्घाईमा सम्पन्न सेमिफाइनलमा न्युजिल्यान्डका अपराजित फाइटर कासिब मर्डोक (Kasib Murdoch) सँग कडा प्रतिस्पर्धा गर्दै तीन राउन्डको भिडन्तपछि स्प्लिट डिसिजन (Split Decision) का आधारमा जित हासिल गर्नुभयो।

यी दुवै जितका साथ रवीन्द्र ‘रोड टु युएफसी’ को फाइनलमा पुग्ने पहिलो नेपाली फाइटर बन्नुभएको छ। अब फाइनलमा उहाँले जापानका फाइटर र्यो ताजिमा (Ryo Tajima) सँग प्रतिस्पर्धा गर्नुहुनेछ, जहाँ जित निकालेमा उहाँले आधिकारिक UFC सम्झौता (Contract) प्राप्त गर्नुहुनेछ।