तीन प्रदेशमा भारी वर्षाको सम्भावना

In Headlines
August 20, 2026
Sushil Paudyal

४ भाद्र २०८३, बिहीबार

काठमाडौँ । देशभर मनसुनी वायुको प्रभाव कायमै रहँदा आज अधिकांश भूभागमा वर्षाको सम्भावना रहेको मौसम पूर्वानुमान महाशाखाले जनाएको छ।

महाशाखाका अनुसार आज दिउँसो देशभर सामान्यतया बदली रहनेछ। हिमाली तथा पहाडी भूभागका केही स्थानमा चट्याङसहित हल्कादेखि मध्यम वर्षा हुने सम्भावना छ। यस्तै, तराईका विभिन्न स्थानमा पनि वर्षाको सम्भावना रहेको छ।

बागमती, गण्डकी र लुम्बिनी प्रदेशका पहाडी भूभागका एक–दुई स्थानमा भारी वर्षा हुन सक्ने महाशाखाले जनाएको छ। आज राति पनि हिमाली तथा पहाडी भूभागका केही स्थानमा चट्याङसहित मध्यम वर्षा हुने सम्भावना छ।

महाशाखाका अनुसार मनसुनको न्यून चापीय रेखा सरदर स्थान आसपास रहेकाले देशका अधिकांश भूभागमा मनसुनी गतिविधि सक्रिय रहेको छ।

तपाईंको प्रतिकृया