कालिकोटका आठ स्थानीय तहहरु पहिरोको जोखिममा

In Headlines
August 19, 2026
Sushil Paudyal

३ भाद्र २०८३

बुधबार : कालिकोट जिल्लाका नौ स्थानीय तहमध्ये आठ पहिरोको उच्च जोखिममा रहेका छन् ।

सदरमुकाममा रहेको खडाचक्र नगरपालिका , शुभकालिका, महावै,सान्नित्रिवेणी,नरहरिनाथ,पचालझरना, पलाता गाउँपालिका र तिलागुफा नगरपालिका पहिरो उच्च जोखिममा रहेका हुन्।

यो रिपोर्ट जिल्ला विपद् व्यवस्थापन समितिको नेतृत्वमा जिल्ला विपद् पूर्वतयारी तथा प्रतिकार्य योजना–२०८३ का अनुशार तयार पारिएको हो।

स्थानीय तहले जथाभावी डोजरबाट खनेका सडकले समेत पहिरोको जोखिम बढाएको प्रमुख जिल्ला अधिकारी झविलाल भट्टराईले वताउनु भयो । खाँडाचक्र नपा ८ दशला माथिल्लो दलित टोलका मात्र १५ घर विस्थापित भई सुरक्षित स्थानमा कटेरा हालेर वसिरहेको अवस्था छ ।

जिल्ला प्रशासनको नेतृत्वमा नेपाल प्रहरी, नेपाली सेना र सशस्त्र प्रहरीको समन्वयमा खोज तथा उद्धार, सूचना व्यवस्थापन र विपद् प्रतिकार्य क्षमता अभिवृद्धिका कार्यक्रम सञ्चालन गरिएका छन् । आवश्यक उद्धार सामग्री व्यवस्थापन गर्नुका साथै स्थानीय तहका एकद्वार संकट व्यवस्थापन केन्द्रलाई सक्रिय बनाउने व्यवस्था पनि योजनामा समेटिएको छ ।

तपाईंको प्रतिकृया