अमेरिकाका पूर्वराष्ट्रपति जिम्मी कार्टरको निधन

In Headlines
December 30, 2024
Sushil Paudyal

सोमबार, १५ पुस २०८१

काठमाडौँ। अमेरिकाका पूर्वराष्ट्रपति जिमी कार्टरको १०० वर्षको उमेरमा निधन भएको छ । जर्जियामा अवस्थित आफ्नै घरमा उनको निधन भएको हो ।

उनि मेलेनोमासहित अन्य स्वास्थ्य समस्याले ग्रसित थिए र प्यालिएटिभ केयरमा एक वर्ष भन्दा बढी लामो समयको संघर्षपछि उनको निधन भएको हो । कार्टरकी श्रीमती रोजालिनको मृत्यु पनि जम्मा ८ महिना मात्र भएको थियो ।

सन् १९६२ मा जर्जियामा राज्य सिनेटरको रूपमा कर्टरले राजनीतिमा पाइला हालेर १९७७ देखि १९८१ सम्म ३९औं राष्ट्रपतिको रूपमा सेवा गरेका थिए ।

ह्वाइट हाउस छाडेपछि कार्टरले आफूलाई मानवीय र शान्ति–प्रवद्र्धन गतिविधिहरूमा समर्पित गरे । सन् १९८२ मा, आफ्नी पत्नीसँग उनले कार्टर सेन्टर स्थापना गरे । कार्टर सेन्टर, मानव अधिकारको रक्षा, अन्तर्राष्ट्रिय द्वन्द्वहरूमा मध्यस्थता र विभिन्न देशहरूमा चुनावी प्रक्रियाहरूको पर्यवेक्षणमा केन्द्रित गैर–सरकारी संस्था हो । जुन कार्यले उनलाई २००२ मा नोबेल शान्ति पुरस्कार दिलाएको थियो ।

तपाईंको प्रतिकृया