बन्दीपुर केबलकार व्यावसायिक रूपमा सञ्चालनमा आएको छ।

वैशाख १ गतेदेखि आंशिक रूपमा सञ्चालनमा रहेको बन्दीपुर केबलकार गत बिहीबार देखि व्यावसायिक रूपमा सञ्चालनमा आएको हो।बिहीबार १५८१ यात्रुले केबलकारमा यात्रा गरेको कम्पनीले जनाएको छ।

कम्पनीलाई ‘कमर्सियल अपरेसन टियुभी प्रमाणपत्र’ प्राप्त भएसँगै अब केबलकार व्यावसायिक रूपमा सञ्चालन गर्न लागिएको कम्पनीका अध्यक्ष रामचन्द्र शर्माले जानकारी दिए।

टियुभी नर्ड जर्मनी अन्तर्गतको कम्पनी टियुभी नर्ड ईन्डियाले परियोजनाको सुपरिवेक्षण गरी सर्टिफिकेट प्रदान गरेको हो।

बन्दीपुर गाउँपालिका–४ को डुम्रे बजार नजिकै केबलकारचोकबाट क्विन टावर होटेल सम्म एक हजार सात सय मिटर दूरी ७ मिनेटमा पार गर्न सकिने कम्पनीले जनाएको छ।