मौसम पूर्वानुमान : आंशिक बदली रही सोमबारदेखि हल्का वर्षाको सम्भावना

२०८० पुष २९ ।। आईतवार

काठमाडौँ ॥ नेपालमा पश्चिमी वायुको प्रभावका कारण पहाडी क्षेत्रको एक–दुई स्थानमा आंशिक बदली रही बाँकी स्थानको मौसम सफा रहने कुरा मौसम विज्ञान विभागले पूर्व अनुमान लगाएको छ ।

सञ्जिव अधिकारी जो मौसम पूर्वानु्मान महाशाखामा मौसमविद रुपमा कार्यरत छन्, उनि अनुसार “आज पश्चिमी वायुको प्रभाव आंशिक रुपमा रहेको छ । रातिदेखि अलि बढी प्रभाव रहने भएकाले सोमबार र मंगलबार सामान्य बर्षाको सम्भावना रहेको छ । तराईमा भने बर्षाको सम्भावना छैन ।”

वर्षा भए पनि १० मिलिमिटरभन्दा कम नै बर्षा हुने उनको भनाइ छ साथै सोमबार रातिदेखि गण्डकी, कोशी र बाग्मती प्रदेशका पहाडी भू–भागका एक–दुई स्थानमा हल्का वर्षा तथा देशका उच्च पहाडी तथा हिमाली भू–भागका एकदुई स्थानमा हल्का हिमपातको सम्भावना पनि छ ।

तपाईंको प्रतिकृया