तारा एयरको जहाजको झ्यालको सिसा आकाशबाटै खस्यो

In Headlines
December 11, 2023
Sushil Paudyal

२५ मंसिर २०८०, सोमबार

आईतबार काठमाण्डौबाट कार्गो सामाग्री लिएर तेन्जिङ हिल्लारी विमानस्थल लुक्लाका लागि उडेको तारा एयरको जहाजको झ्यालको सिसा खसेको छ ।

उक्त जहाजको दायाँ भागको सिसा आकाशबाटै जमिनमा खसेको हो । सिसा कुन ठाउँमा खस्यो भन्नेबारे यकिन हुन नसकेको बताइएको छ ।

जहाजमा पुरै कार्गो सामग्रीले भरिएकाले भित्रबाट सामग्रीहरुको दवावले सिसा निस्किएको हुन सक्ने तारा एयर लुक्लाका स्टेशन इन्चार्ज अमृत मगरले जानकारी दिए ।

जहाज अहिले लुक्लामै रहेको छ भने मर्मत पश्चात मात्र काठमाडौँ फर्किने तारा एयरले जनाएको छ ।

तपाईंको प्रतिकृया