६ जना नवनियुक्त मुख्य न्यायाधीशहरूले शपथ लिए

In Headlines
November 23, 2023
Sushil Paudyal

७ मंसिर, २०८० विहिवार

काठमाडौँ ॥ उच्च अदालतका नवनियुक्त मुख्य न्यायाधीशहरुले बिहीबार पद तथा गोपनीयताको शपथ लिएका छन् ।

प्रधानन्यायाधीश विश्वम्भरप्रसाद श्रेष्ठले उनीहरूलाई मुख्य न्यायाधीशमा नियुक्त गरी बिहीबार पद तथा गोपनीयताको शपथ गराए ।

मंगलबार मंसिर ५ मा बसेको न्याय परिषदको बैठकले ६ जना मुख्य न्यायाधीशहरु नियुक्ति सिफारिस गरेको थियो ।

उच्च अदालत पोखरामा माधवप्रसाद पोखरेल, उच्च अदालत सुर्खेतमा लोहितचन्द्र शाह, उच्च अदालत दिपायलमा शान्ति सिंह थापा, उच्च अदालत विराटनगरमा रमेशप्रसाद राजभण्डारी, उच्च अदालत जनकपुरमा श्रीकान्त पौडेल र उच्च अदालत तुलसीपुरमा नित्यानन्द पाण्डे मुख्य न्यायाधीश सिफारिस भएका थिए ।

तपाईंको प्रतिकृया