बोलिभियाले तोड्यो इजरायलसँगको कूटनीतिक सम्बन्ध

१५ कार्तिक २०८०, बुधबार ॥

उपविदेशमन्त्री फ्रेड्डी मामानीले पत्रकार सम्मेलन मार्फत इजरायलसँगको कूटनीतिक सम्बन्ध तोडेको घोषणा गरेको छ । “बोलिभियाले गाजापट्टीमा भइरहेको आक्रामक र असमान इजरायली सैन्य हमलाको खण्डन र भर्त्सना गर्दै इजराइलसँगको कूटनीतिक सम्बन्ध तोड्ने निर्णय गरेको छ”,

अघिल्लो समाचार अनुसार दुई ल्याटिन अमेरिकी देशले बढ्दो मानवीय सङ्कटका कारण इजरायलबाट आफ्ना राजदूतलाई फिर्ता बोलाएसँगै बोलिभियाले पनि यस्तो घोषणा गरेको हो ।

ल्याटिन अमेरिकी मुलुक बोलिभियाले गाजामा ‘असमान’ हमलालाई लिएर इजरायलसँगको कूटनीतिक सम्बन्ध तोडेको घोषणा गरेको हो।

इजराइलविरुद्ध प्यालेस्टिनी आतङ्कवादीहरूको ‘आतङ्ककारी हमला’ ले गाजामा ‘लाखौँ निर्दोष’ को हत्यालाई औचित्यपूर्ण मान्न नसकिने उल्लेख गर्दै उनले सामाजिक सञ्जालमा लाइभ सम्बोधनमा भनेका थिए । उन्ले लेखेका छन् “हमासले इजराइलविरुद्ध आतङ्कवादी हमला गरेका कारण इजराइलले पनि लाखौँ निर्दोष मानिसलाई मार्नुपर्छ भन्ने होइन ।”

इजराइलले भने बुधबार बोलिभियाको कदमलाई ‘आतङ्कवादसामु आत्मसमर्पण’ भन्दै आलोचना गरेको छ । “यस्तो कदम चालेर बोलिभिया सरकारले स्वयंलाई हमास आतङ्कवादी सङ्गठनसँग जोडिरहेको छ”, इजराइली विदेश मन्त्रालयका प्रवक्ता लियोर हयातले एक विज्ञप्तिमा भने ।

तपाईंको प्रतिकृया