बिश्व विजेता इंग्ल्याण्ड अफगानिस्तानसँग स्तब्ध

In Headlines, खेल
October 16, 2023
Sushil Paudyal

नयाँ दिल्ली ॥ २०१९ को विश्व विजेता इंग्ल्याण्ड हाल चलि रहेको एकदिवसीय विश्वकपको आफ्नो तेस्रो खेलमा अफगानिस्तानसँग पराजित भएको भई स्तब्ध भएको छ। हिजो भारतको दिल्लीमा भएको खेलमा इंग्ल्याण्ड ६९ रनले पराजित भएको हो ।

अफगानिस्तानले प्रस्तुत गरेको २ सय ८५ रनको लक्ष्य पछ्याउने क्रममा इंग्ल्याण्डले ४०.३ ओभरमा २ सय १५ रन मात्र बनाउन सक्यो । योसँगै अफगानिस्तानले यस प्रतियोगितामा पहिलो जीत हासिल गर्न सफल भएको छ भने आजसम्मको बिश्वकपमा उसको दोश्रो जीत हो l यस भन्दा अगाडी २०१५ मा स्कटल्याण्ड लाई प्रथम पटक हराएको थियो ।

अफगानिस्तानले ४९.५ ओभरमा सबै विकेट गुमाएर २ सय ८४ रन बनाएको थियो । अफगानिस्तानका लागि रहमानुल्लाह गुरुबाजले सर्वाधिक ८० रनको योगदान दिए । उनले ओपनर इब्राहिम जाडरानसँग मिलेर पहिलो विकेटका लागि शतकीय साझेदारी गरे । जाडरानले २८ रन बनाए ।

जाडरान आउट भएपछि भने अफगानिस्तानले लगातार विकेट गुमाउँदै गयो । ११४ रनमा बिना कुनै विकेट गुमाएको स्थितिमा रहेको अफगानिस्तानले १७४ रन बनाउँदा ५ विकेट गुमाइसकेको थियो ।

इंग्ल्यान्डलाई सस्तैमा समेट्ने क्रममा बंगलादेशका लागि मुजिव उर रहमान र रसिद खानले समान ३-३ विकेट लिए। त्यस्तै मोहम्मद नावीले २ विकेट लिंदा फजलाह फारुखी र नभिन उल हकले समान १-१ विकेट लिए।

जारी विश्वकपमा यो इंग्ल्यान्डको दोस्रो हार हो। यसअघि न्युजिल्यान्डसँग पहिलो खेलमा इंग्ल्यान्ड पराजित भएको थियो।

तपाईंको प्रतिकृया