पशुपति क्षेत्र मानव सहयोगापेक्षी (मगन्ते) मुक्त क्षेत्र घोषणा

चन्द्रमणि भट्टराई
चैत्र २०

काठमाडौँ । काठमाडौंको पशुपति क्षेत्रलाई मानव सहयोगापेक्षी (मगन्ते) मुक्त क्षेत्र घोषणा गरिएको छ । मंगलबार पशुपति परिसरको मा आयोजित एक औपचारिक कार्यक्रममा संस्कृति पर्यटन तथा नागरिक उड्डयन मन्त्री रविन्द्र अधिकारीले यस्तो घोषणा गर्नुभएको हो ।

काठमाडौं महानगरपालिका र पशुपति क्षेत्र विकास कोषको सहयोगमा मानव सेवा आश्रमले पशुपति परिसरमा रहेका ८१ जना वेसहारालाई उद्धार गरेर उनीहरुको अवस्था, सेवा सहजता र आवश्यकता आधारमा काठमाडौंको वुढानिलकण्ठ, सामाखुशी, चितवन र हेटौंडा लगिए पछि पशुपति मगन्ते मुक्त क्षेत्र बनेको हो ।

त्यस अवसरमा बोल्दै मन्त्री अधिकारीले उद्धार गरेर लगिएका व्यक्तिलाई आध्यात्मिक वा सम्भव भए अन्य उत्पादनमुलक क्षेत्रमा लगाउन सरकारले सहयोग गर्ने प्रतिवद्धता जनाउनुभयो । उनीहरुलाई राखिएको आश्रम, सुधार गृह बन्न सक्छु पर्छ, अनि मात्र उपलब्धी हासील हुन सक्छ, मन्त्री अधिकारीको भनाइ थियो ।

कार्यक्रममा काठमाडौं महानगरका प्रमुख विद्यासुन्दर शाक्यले आफ्नै कार्यकालमा काठमाडौंलाई मगन्तेमुक्त क्षेत्र बनाउने प्रतिवद्धता जनाउनु भयो । “म वृद्धाश्रमको पक्षमा छैन, दिनभर मनोरञ्जन गर्न ३५ वटै वडामा मनोरञ्जन केन्द्र खोल्दैछु ।” मेयर शाक्यले भन्नुभयो — मानसिक रुपले काम गर्न नसक्ने अस्वस्थ्य भएकालाई महानगरपालिका सहयोगी बनेको छ ।

यसरी उद्धार गरिएका, मानिसलाई पारिवारिक पुनमिलन गराउने काम पहिलो लक्ष्य हो । यदि त्यसो हुन सकेन भने मात्र उनीहरुलाई आश्रम राख्ने योजना बनाउँछांै । अभियानका विषयमा आश्रमका अध्यक्ष रामजी अधिकारीले जानकारी दिनुभयो । पशुपतिमा भेटिएका सडक मानवहरुमध्ये बढी व्यक्तिमा मानसिक रोग भएको जानकारी दिँदै अध्यक्ष अधिकारीले — उनीहरुलाई उद्धार, उपचार, पालन पोषण र पारिवारिक मिलन गराउने प्रक्रियाबाट काम भइरहेको बताउनु भयो ।

पशुपति क्षेत्रमा उद्धार गरिएका बाहेक दृष्टिविहिन मानिसहरु पनि छन् । उनीहरुको व्यवस्थापनका विषयमा, उनीहरुकै पेशासँग सम्बन्धित संघ संस्थासँग सहकार्य गरिने, मानव सेवा आश्रमले जनाएको छ ।

आश्रमका अनुसार सडकमा लागू औषध प्रयोगकर्ता, मनोरोगी, माग्ने कामलाई पेशा बनाउने र वरालिएर हिँड्ने मानिस छन् ।

http://kathmanduonline.gov.np

तपाईंको प्रतिकृया