विवेकशील साझा पार्टी, केन्द्रीय अभियान विभागद्वारा हिजो सनिवार महिलाहरूका लागि “एक दिने आत्म रक्षा तालिम” केन्द्रीय कार्यालय बखुन्डोल, ललितपुरमा सम्पन्न भएको छ। विगत ५ वर्ष देखि हजारौँ महिलाहरूलाई आत्मरक्षा तालिमको माध्यमबाट सशक्तिकरण गर्न सफल व्यक्तित्व एवम् तेक्वान्डो खेलाडी गिरि बहादुर सुनारले कार्यक्रमको सहजिकरण गर्नु भएको थियो।

देशमा बढ्दो महिला हिंसाका घटनाहरू विरुद्ध सशक्त ढङ्गले कदम चाल्नु पर्ने आवश्यकतालाई मध्यनजर गर्दै पहिलो पटक कार्यक्रम आयोजना गरिएको थियो भने आगामी दिनमा पनि प्रशिक्षकका लागि तालिम (TOT) आयोजना गरिनेछ। अभियान विभागद्वारा भविष्यमा यस्ता अन्य थुप्रै कार्यक्रमहरू थप महत्त्वका साथ अघि बढाइने छ। यस आत्मरक्षा तालिम, पार्टी कि सक्रिय सदस्य रजिया वानुले गरेकी थिइन् भने अभियान विभागकी प्रमुख रन्जु दर्शनाले विभागको तर्फबाट सहजीकरण गरेकी थिइन्।