हलमा ‘आदिपुरुष’ प्रतिबन्ध,चलचित्र संघको आकस्मिक बैठक बस्दै

शुक्रबार, ०१ असार २०८०

काठमाडौँ ॥ दक्षिण भारतीय फिल्म ‘आदिपुरुष’मा बोलिएको डायलगमा ‘जानकी भारतीय छोरी हुन्’ शब्दका कारण शुक्रबार नेपालमा रिलिज गर्ने तयारी गरिएको चलचित्रमा मेयर शाहको चेतावनीपछि अधिकांश हलमा चलाइएको छैन । केएल टावरमा बिहान ७ः३० बजे एक शो मात्र चलाएर अब पुनः शो नलगाइने भएको हो ।

चलचित्र संघका वरिष्ठ उपाध्यक्ष गोपाल कायस्थले चलचित्रबारे निर्णय लिनका लागि संघको आकस्मिक बैठक बोलाइएको जानकारी दिए । यसबारे निर्णय नभएसम्म हलमा यो चलचित्र प्रदर्शन नगरिने उनको भनाई छ ।

आठ दिन अघि टी–सिरिजको आधिकारिक युट्युब च्यानलमा चलचित्रको अन्तिम ट्रेलर रिलिज गरिएको थियो । उक्त ट्रेलरमा रामको भूमिकामा रहेका प्रभासले आफ्नो वानर सेनालाई सीतालाई हरण गरेर लगेका रावणसँगको युद्धका लागि प्रेरित गर्दै भनेका छन्, ‘आज मेरो लागि नलड्नु, त्यो दिनको लागि लड्नु जब भारतको कुनै छोरीमाथि हात हाल्नुभन्दा पहिले दुराचारी तिम्रो पौरुष याद गरेर काँप्नेछन् । लड्छौ ?’

तपाईंको प्रतिकृया