के भारत आइसिसी विश्व टेस्ट च्याम्पियन बन्ला?

आईतवार, जेठ २८,२०८०

भारतले आइसिसी विश्व टेस्ट च्याम्पियनसिप २०२३ को फाइनलमा अष्ट्रेलियाले दिएको विशाल विजयी लक्ष्य पछ्याउँदै च्याम्पियन बन्ने आशा कायमै राखेको छ ।

इंग्ल्यान्डको द ओभलमा टस हारेर पहिला ब्याटिङको निम्तो पाएको अष्ट्रेलिया पहिलो इनिङमा ४ सय ६९ रनमा अल आउट भएको थियो । अष्ट्रेलियाका मध्यक्रमका ब्याटर ट्रविस हेडले १ सय ७४ बलमा २५ चौका र १ छक्कासहित सर्वाधिक १ सय ६३ रनको सानदार शतकीय इनिङ खेले ।

यसैगरी भारत पहिलो इनिङमा २ सय ९६ रनमा अल आउट भएको थियो । भारतका अजिंक्या रहाणेले १ सय २९ बलमा ११ चौका र १ छक्कासहित सर्वाधिक ८९ रनको योगदान दिए । शार्दुल ठाकुर १ सय ९ बलमा ६ चौकासहित ५१ रनमा आउट भए ।

त्यसअघि अष्ट्रेलियाले चौथो दिन दोस्रो सेसनमा दोस्रो इनिङ २७०-८ को समयमा समाप्तिको घोषणा गरेको थियो । पहिलो इनिङमा १ सय ७३ रनले पछि हुँदा समग्रमा भारतले ४ सय ४४ रनको विशाल लक्ष्य पाएको थियो ।

चौथो दिनको खेल सकिँदा भारत दोस्रो इनिङमा १६४-३ को अवस्थामा छ । भारतलाई अन्तिम दिन जितको लागि २ सय ८० रन चाहिँदा हातमा ७ विकेट हुनेछ । उता अष्ट्रेलियालाई जितको लागि अन्तिम दिन ७ विकेट आवश्यक पर्दछ ।

तपाईंको प्रतिकृया