आईपीएल फाइनल : वर्षाका कारण हिजो स्थगित भएको खेल आज हुने, आज पनि हुन नसके गुजरात च्याम्पियन बन्ने

१५ जेठ २०८०, सोमबार

हिँजो आइतबार अहमदाबादस्थित नरेन्द्र मोदी स्टेडियममा वर्षाका कारण फाइनल खेल नै सुरु हुन नसकेपछी इण्डियन प्रिमियर लिग (आईपीएल)को फाइनल खेल आज सोमबार ‘रिजर्भ डे’ मा हुने भएको छ।

आज हार्दिक पाण्ड्याको कप्तानीमा रहेको गुजरात टाइटन्स र धोनीको कप्तानीमा रहेको चेन्नइ सुपर किंग्स उपाधिका लागि प्रतिस्पर्धा गर्नेछन्। गुजरात लगातार दोस्रो ट्रफीको खोजीमा मैदान उत्रँदैछ।

तर यदि सोमवार पनि वर्षाले खेल रोकिएको खण्डमा लिग चरणमा शीर्ष स्थानमा रहँदै क्वालिफायर्समा पुगेको गुजरात च्याम्पियन बन्नेछ। र, पाँचौँ पटक च्याम्पियन बन्ने महेन्द्रसिंह धोनीको सपना चकनाचुर हुनेछ।

१६ खेलबाट ८५१ रन जोडेका शुभमन गिलको लय सन्तुलित टिम गुजरातका लागि बलियो पक्ष रहेको छ। टाइटन्सको अलराउण्ड प्रदर्शन र धोनीको सक्षम नेतृत्वको टोलीबिचको प्रदर्शन हेर्न लायक हुनेछ।

तपाईंको प्रतिकृया