राष्ट्रपति द्वारा हत्या आरोपित रेशम चौधरीको कैद सजाय माफी

१४ जेष्ठ २०८०, आईतवार

काठमाडौँ- राष्ट्रपति रामचन्द्र पौडेलले गणतन्त्र दिवसको अवसरमा २०७२ को टीकापुर घटनामा संलग्न रेशम चौधरीसमेत गरि ५०१ जनाको कैद सजाय माफी गरेका छन् ।

आइतबार साँझ राष्ट्रपति कार्यालयका प्रवक्ता शैलजा रेग्मी भट्टराईले विज्ञप्ति जारी गर्दै ५०१ जनाको कैदीहरूको भुक्तान हुन बाँकी कैद सजाय माफी भएको जानकारी दिएका छन् ।

आइतबारमात्रै मन्त्रिरिषदको बैठकले चौधरीको सजाय माफी गर्न राष्ट्रपति पौडेलसमक्ष सिफारिस गरेको थियो ।

मन्त्रिपरिषदको सिफारिसमा सोमबारदेखि लागु हुनेगरी रमेश थलङ भन्ने हेमबहादुर र जेष्ठ नागरिक उदयनारायण गिरीसमेत सात जना गरी कुल ५०१ को कैद भुक्तान हुन बाँकी सजाय माफी भएको हो ।

जानकारीको लागि २०७२ भदौ ७ मा कैलालीको टिकापुरमा थरुहट समर्थक प्रदर्शनकारीको आक्रमणबाट प्रहरी निरीक्षक केशव बोहराले ज्यान ज्यान गएको थियो। टिकापुरमा प्रहरी वरिष्ठ उपरीक्षक लक्ष्मण न्यौपानेसहित ८ जना सुरक्षाकर्मी र एकजना नाबालकको हत्या भएको थियो ।

राष्ट्रपतिको सो निर्णयविरुद्ध टिकापुरमा हत्या गरिएका प्रहरी निरीक्षक केशव बोहराकी पत्नी शारदा कडायत बोहराले सर्वोच्च अदालतमा रिट दिएकी छन्।

तपाईंको प्रतिकृया