सर्वोच्चमा रविलाई पुनः मुद्दा – रविले भने “घण्टीलाई बजाउन मात्र हैन, घण्टीले बजाउन पनि मिल्छ”

जेठ ११, २०८०

रवि लामिछानेले आफूविरुद्ध सर्वोच्च अदालतमा पुनः रिट दर्ता हुँदा इरिटेट भएको प्रतिक्रिया फसबुक मार्फत दिएका छन ।

उनले सामाजिक संजालमा मान्छेलाई इरिटेट गर्ने पनि सीमा हुन्छ भन्दै मुद्दा हाल्नु र मुद्दा हाल्ने उद्योग चलाउनु दुई अलग कुरा भएको बताएका छन् ।

उनले सर्वोच्च अदालतको २०७९ माघ १३ गतेको फैसलाको प्रकरण नं. २२, २८ र ३२ मा आफूले अमेरिकी नागरिकता परित्याग गरेको तथ्य सुनिश्चित गरेको जिकिर गरेका छन् ।

अमेरिकी नागरिकता त्यागेको सक्कल निस्सा जिल्ला प्रशासन कार्यालय काठमाडौंमा पेश गरी नेपाली नागरिकता पुनः कायम गराएको उनको भनाइ छ ।

‘अदालतले झिकाउनु भनेको अमेरिकी राहदानीको सक्कल निस्सा मैसँग भएकाले २०८० जेठ ९ गते सर्वोच्च अदालतमा बुझाइसकेको छु। यसको जानकारी र सक्कल बमोजिम नक्कल २०७५ असार ६ मा अध्यागमनलाई सप्रमाण बुझाइसकेको थिएँ,’ लामिछानेले उल्लेख गरेका छन् ।

घण्टीलाई बजाउन मात्र होइन घण्टीले बजाउन पनि मिल्छ भन्दै उनले चेतावनी समेत दिएका छन् ।

तपाईंको प्रतिकृया