गुजरातलाई पछार्दै चेन्नई सुपर किंग्स आइपिएलको फाइनलमा

बुधबार, ९ जेठ २०८०

महेन्द्रसिंह धोनीको नेतृत्वमा रहेको चेन्नई सुपर किंग्सले गुजरातलाई १५रनले हराउदै इन्डियन प्रिमियर लिग (आइपिएल) को फाइनलमा प्रवेश गरेको छ।

सुरुवात देखि नै धोनीको कप्तानीमा खेल्दै आएको चेन्नई सुपर किंग्स यो सगै इन्डियन प्रिमियर लिग (आइपिएल)मा १०औं पटक फाइनलमा पुगेको छ ।

घरेलु मैदानमा टस हारेर पहिला ब्याटिङको निम्तो पाएको चेन्नईले निर्धारित २० ओभरमा ७ विकेट गुमाउँदै १ सय ७२ रन बनाएको थियो । चेन्नईका युवा ओपनर ऋतुराज गायकवाडले जीवनदानको फाइदा उठाउँदै ४४ बलमा ७ चौका र १ छक्कासहित सर्वाधिक ६० रनको योगदान दिएका थिए ।

उक्त १७३ रनको लक्ष्य पाएको गुजरातले १५७ रन मात्र बनाई अलआउट भयो । गुजरातका शुभमन गिल र रसिद खानले आक्रामक इनिङ खेले पनि जितको लागि पर्याप्त भएन।

चेन्नईका ओपनर ऋतुराज गायक्वडले डेभोन कोनवेले उत्कृष्ट सुरुवात दिलाएका थिए। मध्यक्रमका ब्याटर सस्तोमा समेटिँदा चेन्नईले २० ओभरमा ७ विकेट गुमाएर १७२ रन बनाएको थियो।

अब गुजरातले लखनउ र मुम्बईको दोस्रो क्वालिफायरको विजेतासँग पुनः प्रतिस्पर्धा गर्नेछ। उक्त खेलमा विजयी हुने टिमले उपाधिका लागि चेन्नईसँग प्रतिस्पर्धा गर्ने छ।

चेन्नईले सन् २०१०, २०११, २०१८ र २०२१ मा उपाधि जितेको थियो । चेन्नई २००८, २०१०, २०११, २०१२, २०१३, २०१५, २०१८, २०१९, २०२१ र २०२३ मा फाइनलमा स्थान बनाएको हो ।

तपाईंको प्रतिकृया