टोपबहादुर रायमाझीको बयान सकियो

जेठ २, २०८० मंगलबार

काठमाडौं । नक्कली भुटानी शरणार्थी केसमा मुछिएका र फरार पछि अस्ति वेलुका पक्राउ परेका नेकपा (एमाले)का निलम्बित सचिव टोपबहादुर रायमाझाीको बयान सकिएको छ । रायमाझीले सरकारी वकिल लक्ष्मण घिमिरे तथा न्यायाधीश केशवप्रसाद अधिकारीलाई आफ्नो बयान दिएका छन् ।

बालाजु बाट पक्राउ परेका रायमाझीलाई सुरुमा जिल्ला प्रहरी परिसर काठमाडौं लगिएको थियो । त्यहाँबाट स्वास्थ्य परीक्षणका लागि राति नै तीनकुनेस्थित कान्तिपुर अस्पताल लगिएको थियो।

तीन दिन हिरासतमा राखेर अनुसन्धान गर्ने अनुमति पाएपछि प्रहरीले उनलाई जिल्ला सरकारी वकिलको कार्यालयमा उपस्थित गराएको थियो । त्यहाँ उनले रातभरि सुत्न नपाएर निन्द्रा बिग्रिएको गुनासो गरे ।

रायमाझी पक्राउ परेसँगै यो प्रकरणमा करोडौँ रकम ठगी गरेको अभियोगमा समातिनेको संख्या १३ पुगेको छ ।

अहिलेसम्म नक्कली भुटानी शरणार्थी प्रकरणमा पूर्वउपप्रधानमन्त्री रायमाझी, पूर्वगृहमन्त्री बालकृष्ण खाँण, सचिव टेकनारायण पाण्डे, तत्कालिन गृहमन्त्री रामबहादुर थापा बादलका सुरक्षा सल्लाहकार इन्द्रजित राईलगायत पक्राउ परिसकेका छन् ।

तपाईंको प्रतिकृया