भुटानी शरणार्थी प्रकरण गरि देश र जनतामाथि गद्दार गर्नेहरूलाई जेलमा हाल्नुपर्छ : पर्यटनमन्त्री किराती

२०८० बैशाख ३०, शनिबार

काठमाडौं : बाहिङ किरात मुलुखिमले शनिबार काठमाडौंमा आयोजना गरेको कार्यक्रममा बोल्दै संस्कृति, पर्यटन तथा नागरिक उड्डयन मन्त्री सुदन किरातीले देश र जनतामाथि गद्दार गर्नेहरूलाई जेलमा हाल्नुपर्ने बताएका छन्।

उनले अगाडी भने नक्कली भुटानी शरणार्थी प्रकरणले नेपाली सभ्यतामाथि नै धोका भएको र देश अनि जनतामाथि गद्दार गर्नेहरूलाई जेलमा हाल्नुपर्ने बताएका हुन्।

मन्त्री किरातीले अब ढिलो नगरी ठूला ठूला भ्रष्टाचारका फाइलहरू खोल्नुपर्ने र यसमा आम नागरिकबीच एकता हुनुपर्नेमा जोड दिए र लोकतन्त्र नेपालीलाई सुख अनि नेपालको विकास र समृद्धि होस भनेर ल्याएको तर लोकतन्त्मा लुटतन्त्र चलेको उन्ले बताए ।

बाहिङ-नेपाली-अग्रेजी शब्दकोष विमोचन कार्यक्रममा बोल्दै उन्ले भने हिजोसम्म देशको गृह प्रशासन चलाउनेहरू नागरिकलाई शरणार्थी बनाएकै कारण जेलमा रहेको भन्दै उनले समयभन्दा ठूलो केही नभएको जिकिर गरे। अहिलेको शत्रु भ्रष्टाचार र अशिक्षा भएकाले अब दुवै कुराको अन्त्य हुनुपर्छ ।

तपाईंको प्रतिकृया