इमरान खान काण्ड : कडा सुरक्षाबीच इस्लामाबादको उच्च अदालत पुगे

वैशाख २९, २०८० शुक्रबार

इस्लामावाद । पाकिस्तानका पूर्व प्रधानमन्त्री तथा पाकिस्तान तहरिक-ए-इन्साफ (पीटीआई)का अध्यक्षसमेत रहेका इमरान खान कडा सुरक्षाबीच उच्च अदालत पुगेका छन्।

इस्लामबाद उच्च अदालतले शुक्रबार अल-कादिर ट्रस्ट प्रकरणमा दुई हप्ताको लागि धरौटीमा रिहा गर्द आदेश दिएको थियो र साथै उक्त मामलामा सुरक्षा माग गर्दै इमरान खानको निवेदनको सुनुवाइ गर्न दुई सदस्यीय इजलास गठन गरेको छ।

अदालत वरिपरि बाक्लो रुपमा सुरक्षाकर्मीका बीच र न्यायाधीश मियाँ गुल हसन औरंगजेब र न्यायाधीश थमन रिफत इम्तियाजको इजलासमा यस विषयमा छिट्टै सुनुवाइ हुनेछ।

प्रहरीले कुनै पनि प्रकारको भीडभाडमा रोक लगाएको छ। सहरको कुनै पनि ठाउँमा मानिस भेला हुन निषेध गरिएको छ तर खानका हजारौं दर्शक शान्तिपूर्ण प्रदर्शनका लागि यहाँ भेला हुनसक्ने आशंका गरिएको छ।

बिहीबार सर्वोच्च अदालतले अल कादिर ट्रस्ट मुद्दामा उनको गिरफ्तारी गैरकानुनी घोषित गरेको भए पनि सरकारले इमरान खानलाई पक्राउ गर्ने बताएको छ।

यसअगीको गिरफ्तारीपछि पाकिस्तानमा देशव्यापी प्रदर्शन सुरू भएको थियो । प्रदर्शनका क्रममा कम्तीमा १० जनाको मृत्यु भएको छ भने करिब दुई हजारभन्दा बढी व्यक्ति घाइते भएका छन्।

पीटीआईले आफ्ना समर्थकलाई इमरान खानको समर्थनमा आउन आग्रह गरेसँगै देशभर विभिन्न विरोध प्रदर्शन भएका छन्।

तपाईंको प्रतिकृया