अमेरिकी पूर्व राष्ट्रपति ट्रम्प यौन दुर्व्यवहार सम्बन्धी मुद्दामा दोषी ठहर

बैशाख २७, २०८० बुधबार

काठमाण्डौ – अमेरिकी पूर्वराष्ट्रपति डोनाल्ड ट्रम्प यौन दुर्व्यवहार सम्बन्धी एक मुद्दामा दोषी ठहर भएका छन् र न्युयोर्कको एक अदालतले यौन दुर्व्यवहारमा पिडितलाई क्षतिपूर्ति बापत ५० लाख डलर दिनुपर्ने फैसला सुनाएको छ ।

सन् १९९० मा येले म्यागेजिनकी लेखिका ई. जीन केरललाई ट्रम्पद्वारा यौन दुर्व्यवहार गरेको आरोप लागेको थियो र यसै आरोपलाई आधार मानेर न्युयोर्कको अदालतले पूर्व राष्ट्रपति ट्रम्पलाई अदालतले दोषी ठहर्‍याएको बीबीसीले जनाएको छ ।

ट्रम्पले अदालतको फैसलामा असन्तुष्टि जनाएका छन्, साथै उहाँले फैसलाविरुद्ध अपिल गर्ने प्रतिक्रिया दिएका छन् ।

पोर्न स्टार स्टोर्मी डेनिल्सलाई पैसा दिएर दबाबमा राखेको अभियोगमा ट्रम्पमाथि अर्को फौजदारी मुद्दा पनि छ ।

७६ वर्षका ट्रम्पमाथि अवैध तरिकाले अर्बौँ डलरको सम्पत्ति जम्मा गरेको, ह्वाइटहाउसबाट महत्वपूर्ण कागजात गायब पारेको, राष्ट्रपति चुनावको परिणाम अस्वीकार गर्दै आफ्ना समर्थकलाई संसद भवनमा आक्रमणका लागि उक्साएको लगायतका आरोप पनि छन् ।

तपाईंको प्रतिकृया