गाजामा इजरायलको हवाई आक्रमण, १२ जनाको मृत्यु

वैशाख २७, २०८० बुधबार

जेरुसेलम – इजरायली सेनाले मङ्गलबार गाजा पट्टीमा गरेको पछिल्लो हवाई आक्रमणमा कम्तीमा १२ व्यक्तिको मृत्यु भएको छ । अल जजीराले उल्लेख गरेअनुसार कारबाहीमा अन्य २० जना पनि घाइते भएका छन्।

मङ्गलबार दिउसो २ बजे (स्थानीय समय अनुसार) गाजा क्षेत्रभरि आवासीय फ्ल्याटहरूलाई लक्षित गरी विस्फोट गराइएको थियो । प्यालेस्टिनी इस्लामिक जिहाद (पीआईजे) आन्दोलनले पत्नी र बच्चाहरू सहित आफ्ना तीन नेता मारिएकोमा आक्रोश व्यक्त गरेको अल जजीराले जनाएको छ।

प्यालेस्टिनी इस्लामिक जिहाद आन्दोलनका तीन वरिष्ठ सदस्य इजरायली सेनाको बमबारीमा मारिएका थिए । गाजामा ‘अपरेशन शिल्ड एण्ड एरो’ अन्तर्गत विस्फोट भएको थियो। सो कारबाही अघि गाजाको ४० किलोमिटर (२५ माइल) भित्रका इलाकाका इजरायली बासिन्दाहरूलाई जवाफी हमलाहरूको डरले सन्त्रासमा पारिएको थियो।

द टाइम्स अफ इजरायलका अनुसार इस्लामिक जिहादका नेताहरूमाथि अघिल्लो पटक भएको हमलाहरूले यस प्रकारको हमला निम्त्याएको हो। हमला केही दिनसम्म चलेको थियो ।

प्यालेस्टिनी इस्लामिक जिहाद कार्यकर्ता अदनानको झण्डै तीन महिनादेखिको अनशनको क्रममा गत हप्ता मृत्यु भएपछि बम विस्फोट भएको थियो । प्यालेस्टिनियन प्रिजनर्स सोसाइटीका अनुसार अदनानले विना कारण जेल सजायको विरोधस्वरुप ८७ दिनसम्म भोकहड्ताल गरेका थिए।

तपाईंको प्रतिकृया