विदेशबाट आउँदा अब २ वटा मोबाइल ल्याउन पाइने

२६ बैशाख २०८०, मंगलवार

काठमाडौं । मङ्गलबार बसेको मन्त्रिपरिषद्को बैठकले झिटीगुण्टा नियमावली संशोधन गर्दै अब नेपालीले विदेशबाट फर्किँदा साथमा २ वटा मोबाइल बोकेर ल्याउन पाइने पाउने निर्णय गरेको छ ।

सूचना,सञ्चार तथा प्रविधिमन्त्री रेखा शर्माले जानकारी दिदै भनिन् “स्वदेश फर्किने नेपालीले साथमा बढीमा दुई वटा मोबाइल ल्याउन पाउने व्यवस्था गर्ने निर्णय प्रधानमन्त्री तथा मन्त्रिपरिषद्को कार्यालय, सिंहदबारमा मङ्गलबार बसेको मन्त्रिपरिषद्को बैठकले झिटीगुण्टा नियमावली संशोधन गर्दै गरेको हो “।

यसअघि विदेशबाट नेपाल फर्किने नेपालीले आफूले चलाउने मोबाइलमात्र ल्याउन पाउने व्यवस्था रहेको थियो । स्वदेश ल्याउने मोबाइलमा एमडीएमएस प्रणाली लागू गर्ने पनि सञ्चारमन्त्री शर्माले जानकारी दिइन् ।

तपाईंको प्रतिकृया