चितवन -२ मा नयाँ रेकर्डका साथ रास्वपाका रबि लामिछाने विजयी

मंगलबार, १२ बैशाख २०८०

चितवन २ को मतगणना सम्पन्न भएलगतै राष्ट्रिय स्वतन्त्र पार्टीका सभापति रवि लामिछानेले यसअघिको आफ्नै रेकर्ड लाई ब्रेक गर्दै अर्को नयाँ रेकर्ड सहित विजयी भएका छन् ।

चितवन २ मा खसेको सबै ७८ हजार २७७ मत मध्ये लामिछानेले ५४ हजार १७६ मत , कांग्रेसका जितनारायण श्रेष्ठले ११ हजार २१४ मत र एमालेका रामप्रसाद न्यौपानेले १० हजार ९३६ मत पाए ।

यसअघि मङ्सिर ४ को निर्वाचनमा पनि लामिछानेले ४९ हजार ३०० मत पाएर विजय हासिल गरेका थिए तर नागरिकता विवादमा उनको पद गएसँगै चितवन २ मा उपनिर्वाचन भएको हो । सर्वोच्च अदालतको आदेशअनुसार पद गए पनि आफ्नो नागरिकता जिल्ला प्रशासन कार्यालयबाट पुनः कायम गराएसँगै उनलाई चुनाव लड्ने बाटो खुला भएको थियो ।

तपाईंको प्रतिकृया