विदेशमा रहेका नेपालीलाई मतदान अधिकारबारे

सूर्यराज आचार्य, प्रवक्ता
विवेकशील साझा पार्टी

विदेशमा कार्यरत नेपाली नागरिकले विदेशबाट मतदान गर्न पाउने बारेको यही २०७४ चैत्र ७ गतेको सर्वोच्च अदालतको आदेशको विवेकशील साझा पार्टी हार्दिक स्वागत गर्दछ।

लाखौंको संख्यामा विदेशमा कार्यरत रहेका र देशको अर्थतन्त्र नै मुलत: विप्रेषण (रेमिटन्स) मा आधारित रहेको सन्दर्भमा सर्वोच्च अदालतको यो आदेश लोकतान्त्रिक अधिकारका हिसावले मात्र नभएर प्राकृतिक न्यायको सिद्धान्तका दृष्टिले समेत वाञ्छनीय छ।

नीतिगत तहमा नेपाल सरकारले यसअघि नै प्रतिवद्धता जनाएको र सर्वोच्च अदालतले समेत निर्देशनात्मक आदेश जारी गरेको यो परिप्रेक्षमा आवश्यक कानुनको यथाशिघ्र निर्माण गरी विदेशमा रहेका नेपाली नागरिकले विदेशबाटै मतदान गर्न पाउने कानुनी व्यवस्था सुनिश्चित गर्न नेपाल सरकार, संघिय संसद र निर्वाचन आयोगलाई विवेकशील साझा पार्टी हार्दिक आग्रह गर्दछ।

तपाईंको प्रतिकृया