बैंकमा जम्मा भएको ५५ खर्ब रकमलाई उद्योगमा परिचालन गरौँः सांसद पौडेल

In Headlines
April 18, 2023
Sushil Paudyal

५ वैशाख २०८०, मङ्गलबार

नेकपा (माओवादी केन्द्र) का सांसद देवेन्द्र पौडेलले बैंकमा जम्मा भएर बसेका रकमलाई उद्योगमा लगानी गरेर रोजगारी सिर्जना गर्न माग गरेका छन् ।

मंगलबार प्रतिनिधि सभा बैठकको आकस्मिक समयमा बोल्दै सांसद पौडेलले बैंकमा ५५ खर्ब रुपैयाँ जम्मा भएको समाचार सार्वजनिक भएको उल्लेख गर्दै सो रकम देशका रुग्ण उद्योगमा परिचालन गर्नुपर्ने बताएका छन् ।

उनले अफ्ठेरोमा परेका उद्योगमा सो रकम परिचालन गरेर रोजगारी सिर्जना गर्न माग गरे । त्यस्तै उहाँले देशमा ४० लाख खोप प्रयोगबिहीन अवस्थामा रहेको भन्दै प्रयोगबिहीन भएको सम्बन्धमा सम्बन्धित निकायले छानबिन गर्नुपर्ने बताए।

सांसद पौडेलले यस वर्ष विद्यार्थीले समयमै पाठ्यपुस्तक पाउनु राम्रो भएको उल्लेख गर्दै यसैगरी अस्पतालमा पनि बिरामीले आकस्मिक उपचार पाउनुपर्ने बताए । उनले अगाडी बोल्दै किसानले समयमै मल पाउनुपर्नेमा जोड दिए ।

तपाईंको प्रतिकृया