सोमबार २७ चैत, २०७९

गएराति राजीव गान्धी अन्तर्राष्ट्रिय रंगशालामा सम्पन्न इण्डियन प्रिमियर लिग (आइपिएल) क्रिकेट खेलमा पञ्जाबले दिएको १४४ रनको लक्ष्य हैदराबादले १७.१ ओभरमा नै लक्ष्य हासिल गरि ८ विकेटको जित निकालेको छ l

जितका लागि लागि राहुल त्रिपाठीले अर्धशतकीय पारी खेले । ४८ बलको सामना गरेका उनले १० चौका र ३ छक्कासहित अविजित ७४ रन बनाए । कप्तान एडेन मार्कमले ३७, मयंक अग्रवालले २१ र ह्यारी ब्रुकले १३ रन जोडे । पञ्जावका अर्शदीप सिंह र राहुल चहरले एकरूएक विकेट लिए ।

त्यसअघि टस हारेर ब्याटिङको निम्तो पाएको पञ्जाबले निर्धारित २० ओभरमा ९ विकेट गुमाएर १४३ रन बनायो । उसका लागि कप्तान शिखर धवनले सानदार पारी खेले । ६६ बलको सामना गरेका उनले १२ चौका र ५ छक्कासहित अविजित ९९ रन बनाए । त्यस्तै, साम करनले २२ रन जोडे ।

यो जितसँगै तीन खेलबाट दुई अंक जोडेको हैदराबाद तालिकाको आठौँ स्थानमा उक्लिएको छ । समान खेलबाट चार अंक जोडेको पञ्जाब तालिकाको छैटौँ स्थानमा छ ।