कोशी प्रदेशको मृतक लाजेहाङको परिवारलाई तीन लाख राहत दिने निर्णय

१३ चैत २०७९, सोमबार

कोशी प्रदेशको नामाकरणको विरोध प्रदर्शनका क्रममा मृत्यु भएका पदमबहादुर लिम्बू लाजेहाङको परिवारलाई मुख्यमन्त्री तथा मन्त्रिपरिषद्को कार्यालयमा सोमबार बसेको मन्त्रिपरिषद्को बैठकले तीन लाख रुपियाँ राहत दिने निर्णय गरेको छ ।

विराटनगरको प्रदर्शनका क्रममा टाउकोमा लाठीले लागेर घाइते भएका लाजेहाङको अवस्थाको बारेमा स्वयं आन्दोलनरत पक्षलेसमेत दुई दिनपछि मात्र जानकारी पाएको थियो ।

पहिचान झल्किने नाम नराखेर कोशी प्रदेश नामकरण गरेको विरोधमा विभिन्न जातीय पहिचान भएका सामाजिक संघसंस्थाहरुको संयुक्त विरोध प्रदर्शनका क्रममा घाइते भएका लाजेहाङको उपचारका क्रममा मृत्यु भएको थियो ।

चैत ५ गते विराटनगरको रोडशेष चोकमा निषेधाज्ञा उल्लंघन गरी मुख्यमन्त्री तथा मन्त्रिपरिषद्को कार्यालयतर्फ भीड बढ्ने क्रममा प्रहरीले रोकेको र लाठी चार्ज गर्दा घाइते भएका लाजेहाङको उपचारका क्रममा चैत १० गते मृत्यु भएको थियो ।

तपाईंको प्रतिकृया