चैत ११, २०७९

शनिबार काठमाडौंमा आँचल कुसुम अधिकारीद्वारा रचित कविता संग्रह मन पग्लिएछ भने विमोचन गरे l उक्त कार्यक्रममा बोल्दै मन्त्री सुदन किरातीले समाजभित्र गणतन्त्रको संस्कृति छिर्न नसकेको अनुभव भएको बताएका छन् ।

रोजगारको अभावमात्रै विदेशिनुका कारण नभएको भन्दै मन्त्री किरातीले देशमा स्वदेशी सपना नभएर पनि युवाहरूमा बाहिर जाने इच्छा बढेको देखिएको धारणा राखे । देशमा आर्थिक विकास गरेर रोजगारी सिर्जना गर्नुपर्ने भएपनि सपनामा स्वदेशको बिउ रोप्न नसके मुलुकको विकासको सपना साकार हुन नसक्ने बताए ।

मन्त्री किराँतीले एकल संस्कृति र एकल पहिचानले देश नबन्ने कुरोमा जोड दिदै आएका छन् l

उनले मुलुकको विद्यमान पाठ्यक्रममा पनि स्वदेशी सपनासहितको विषयवस्तुलाई प्राथमिकता दिनुपर्ने जिकिर गरे ।