‘आरआरआर’ फिल्मको ‘नाटू-नाटू’ गीतलाई अस्कर अवार्ड

आरआरआर फिल्मको नाटू-नाटू गीतले अस्करमा बेस्ट ओरिजनल सङको उपाधि जितेको छ।

२०७९ फाल्गुन २९, सोमबार

निर्देशक एसएस राजामौलीको फ्लिम आरआरआरको ‘नाटू-नाटू’ गीतले अस्कर अवार्ड पाएको छ।

नाटु-नाटुले बेस्ट ओरिजनल सङका लागि अस्कर पाएको जनाएको हो । जुनियर एनटीआर र रामचरण फिचर्ड ‘नाटू-नाटू’ गित पुरस्कार जित्ने कुनै पनि भारतीय उत्पादनको पहिलो गीत बन्यो।

सन् २००९ मा स्लमडग मिलिनेयरको ‘जय हो’ ले यही विधामा एउटा गीत जितेपछि यो प्रतिष्ठित पुरस्कार जित्ने दोस्रो भारतीय गीत हो तर यो फिल्मको लगानी ब्रिटिस लगानीकर्ता क्रिस्टियन कोल्सन थियो ।

‘नाटू-नाटू’ गित तेलुगुका एमएम किरावानीले कम्पोज गरेका हुन् भने यसको शब्द चन्द्रबोसले लेखेका हुन्। गीतमा राहुल सिपलीगञ्ज र काल भैरवले स्वर दिएका छन्।

नाटू-नाटू गीत अस्करको मञ्चमा समेत प्रदर्शन गरिएको थियो। अस्करको यो ९५ औँ संस्करण हो।

-एजेन्सी

तपाईंको प्रतिकृया