सोमबार, फागुन २९, २०७९

स्पिनर ललितनारायण राजवंशीको पाँच विकेट तथा कप्तान रोहित पौडेलको धैर्यपूर्ण अर्धशतकको मद्दतमा नेपालले यूएईलाई १७७ रनले पराजित गरेको हो।

आइतवार यूएईलाई पराजित गरेसँगै नेपालले एकदिवसीय अन्तर्राष्ट्रिय क्रिकेटको मान्यता जोगाएको छ।

आइसीसी विश्वकप लिग २ त्रिकोणात्मक श्रृङ्खला अन्तर्गत आइतवार टस जितेर पहिलो ब्याटिङ रोजेको नेपालले ४९.२ ओभरमा अलआउट हुँदै २४८ रन जोडेको थियो। जवाफमा यूएई २२.५ ओभरमा ७१ रन बनाएर अलआउट हुन पुग्यो। जितका लागि नेपाली टोलीमा पहिलो पटक सहभागी भएका ललित राजवंशीको पाँच विकेटको उल्लेख्य योगदान रह्यो ।

दुई सय ४९ रनको लक्ष्य पूरा गर्न आएको यूएईविरुद्ध नेपालले पहिलो ओभरदेखि स्पिनरको प्रयोग गरेको थियो, जुन रणनीति पूर्ण रूपमा सफल देखियो।