शुक्रबार, फागुन १९, २०७९

बिहीबार भएको अन्तिम तथा निर्णायक खेलमा यूएईलाई ७ रनले हराउँदै आईसीसी यू–१९ विश्वकप एसिया छनोटमा च्याम्पिनय बनेको नेपाली यू–१९ टोली आज स्वदेश फर्कँदै छ ।

नेपाल क्रिकेट संघ (क्यान)ले दिएको जानकारी अनुसार नेपाली युवा टोली आज साँझ ६ बजे युएईबाट काठमाडौँस्थित त्रिभुवन निमानस्थलमा आइपुग्ने छन l

नेपालको युवा टोलीले आगामी सन् २०२४ मा श्रीलंकामा आयोजना हुने यू–१९ विश्वकपमा सहभागिता जनाउने छ ।यस अघि नेपालले २०००, २००२, २००४, २००६,२००८ २०१२, २०१६ गरि ७ वटा बिश्वकपहरुमा सहभागिता जनाई सकेको छ l

आइसिसी यू–१९ विश्वकपमा छनोट भएपछि खेलाडीलाई जनही १ लाख पुरस्कारको घोषणा गरिएको क्यानले सामाजिक सञ्जालमार्फत जानकारी दिएको हो ।