मंगलबार ,फागुन १६, २०७९ l आगामी शुक्रबार नेपाली बक्स अफिसमा यस वर्षको बहुप्रतिक्षित सिनेमाहरु दीपकराज गिरी स्टारर ‘छक्कापञ्जा ४’ र अनमोल केसी स्टारर ‘छड्के २’ प्रदर्शनको तयारीमा छन् ।

ठुलाबजेट र दर्शक सामु ठुलै क्रेज बनाएका यी दुई हेबिवेट चलचित्र प्रदर्शन हुने हुनाले यसै हप्ता प्रदर्शनको तयारीमा रहेको ‘परस्त्री’ र ‘परदेशी २’को रिलिज रोकिएको छ l

प्रदर्शन हुन तीन दिन बाँकी रहँदा प्रमुख मल्टिप्लेक्सले सोमबार बेलुका यी दुवैको शो तालिका सार्वजनिक गरेका छन् साथै अग्रिम टिकट बुकिङ खुला गरिएको छ ।​

चलचित्रको बक्स अफिस क्लेक्सन अनुसार शो थपघट हुन सक्छ तर अइलेलाई दुवै चलचित्रको शो प्रदर्शन को व्यवस्थापन सार्वजनिक भएको गरिएको छ ।

‘छक्का पञ्जा’ आफैंमा ब्राण्ड नाम हो भने ‘छड्के–२’ युवा पुस्तामाझ लोभलाग्दो स्टारडम बनाएका अभिनेता अनमोल केसी अभिनित फिल्म हो ।

हेमराज बिसीको निर्देशन रहेको ‘छक्का पञ्जा–४’मा दीपकराज, दीपाश्री निरौला, केदार घिमिरे, बेनिशा हमाल, मलिना जोशी, निर्मल शर्मा, राज आचार्य, बुद्धि तामाङ, बेदना राई, सुष्मा निरौला, नीर शाह लगायतका कलाकारहरूको अभिनय छ ।

निगम श्रेष्ठ निर्देशित ‘छड्के–२’मा अनमोलसँगै रोविन तामाङ, कमलमणि नेपाल, सिर्जना सुब्बा, रेशा आले मगर लगायतको अभिनय छ ।