मंगलबार, २०७९,फागुन १६, लम्जुङ्ग ll अफ्रिकन स्वाइन फिभरको संक्रमण फैलिएसँगै भेटेरिनरी अस्पताल तथा पशु सेवा विज्ञ केन्द्र लमजुङले सोमबार सूचना जारी गरी बंगुर तथा बंगुरजन्य पदार्थ ओसारपोसारमा प्रतिबन्ध लगाइएको छ ।

यस रोगको संक्रमण बेसीशहर मा देखिएको छ l

बेसीशहर नगरपालिका स्थित वडा नं ६ र ८ विभिन्न फार्ममा पालिएका बंगुरमा अफ्रिकन स्वाइन फिभरको संक्रमण फैलिएसँगै जिल्लामा बंगुर तथा बंगुरजन्य पदार्थ ओसारपोसारमा प्रतिबन्ध लगाइएको हो ।

लमजुङ भेटेरिनरी अस्पताल तथा पशु सेवा विज्ञ डा. रुपेश श्रेष्ठ अनुसार उच्च मृत्युदर भएको यस रोग फैलन नदिन पशु स्वास्थ्य तथा पशु सेवा ऐन, २०५५ को दफा १५ बमोजिम अर्को सूचना जारी नभएसम्मको लागि बेसीशहर नगरपालिकाबाट बंगुर तथा बंगुरजन्य पदार्थहरु अन्य क्षेत्रमा ओसारपोसार गर्न प्रतिबन्ध लगाइएको हो l

रोगी बंगुर वा त्यसका पाठापाठी, मासु वा रोगी पशुको सम्पर्कमा आएका वस्तु एक स्थानबाट अर्को स्थानमा लैजाँदा सजिलै सर्ने हुँदा ओसारमा रोग लगाइएको र स्वाइन फिभर पुष्टि भएका क्षे त्रमा जैविक सुरक्षाका विधिहरु अपनाउन भनिएको पशुचिकित्सक डा. श्रेष्ठले बताए ।