आइसिसी क्रिकेट विश्वकप लिग–२: पपुवा न्यूगिनी विरुद्ध टस जितेर नेपाल फिल्डिङमा

In Headlines, खेल
February 27, 2023
Sushil Paudyal

सोमबार,१५ फागुन, २०७९ ll दुबई अन्तर्राष्ट्रिय मैदानमा सुरु हुन गैरहेको आइसिसी क्रिकेट विश्वकप लिग–२ को त्रिकोणात्मक सिरिज अन्तर्गत नेपालले पपुवा न्यूगिनी विरुद्ध नेपालले टस जितेर फिल्डिङ रोजेको छ ।

लिग–२ तालिकाको पुछारमा रहे पनि पिएनजीले विगतमा नेपाललाई हराएको छ । गत वर्ष मात्र उसले नेपाललाई घरेलु मैदानमै हराउँदै सिरिज जितेको थियो ।

नेपालको प्लेइङ–११मा आसिफ शेख (विकेटकिपर), कुशल भुर्तेल, ज्ञानेन्द्र मल्ल, रोहितकुमार पौडेल (कप्तान), दीपेन्द्रसिंह ऐरी, आरिफ शेख, करण केसी, सोमपाल कामी, कुशल मल्ल, गुलशन झा र प्रतिश जिसी ।

यो शृङ्खलाको पहिलो खेलमा नेपालका युवा फास्ट बलर प्रतिश जिसीले ओडीआईमा डेब्यु गरेका छन् ।

नेपाली टिममा स्पीनर छैनन् । चार फास्ट बलर छन् । अलराउण्डर दीपेन्द्र र कुशल मल्लले स्पीन बलिङ गर्नेछन् ।

तपाईंको प्रतिकृया