१४ फागुन २०७९, आइतबार ll दुई साताको अवधिमा सुनसरीको बर्जुमा २९ जनामा दादुरा पोजेटिभ पाइएको छ । बर्जुमा पहिलोपटक २ नम्बर वडामा ७ महिने शिशुमा दादुरा पुष्टि भएको थियो। हाल उक्त गाउँपालिकाको ६ मध्ये ४ वटा वडामा दादुरा संक्रमित बिरामी फेला परेका छन्।

स्वास्थ्य कार्यालय सुनसरीका प्रमुख सागर प्रसाईं अनुसार प्रदेश १ सरकार, स्वास्थ्य मन्त्रालय, विश्व स्वास्थ्य संगठन, युनिसेफ तथा स्थानीय निकायसँगको समन्वयमा दादुरा फैलन नदिन स्वास्थ्य कार्यालय सुनसरीले एकसाथ १० हजार बालबालिकालाई दादुराविरुद्धको खोप लगाउने तयारी गरिएको छ ।

सागर अनुसार दादुरा अति संक्रमित रोग भएकाले एउटै क्षेत्रमा ५ जना पुष्टि भए यसलाई महामारीको रूपमा लईन्छ । उनले यसलाई रोक्न ६ महिनादेखि १५ वर्ष उमेर समूहका व्यक्तिहरूलाई अघि सारेको बताए।