आइतबार,२०७९ फागुन १४ ll मुख्यमन्त्री शालिकराम जमकट्टेललाई संयुक्तरूपमा राजिनामा पेस गर्दै बागमती प्रदेशका राप्रपाका ३ मन्त्रीहरु सरकारबाट बाहिरिएका छन् l

उनीहरुको भागमा खानेपानी , ऊर्जा तथा सिंचाइ मन्त्रालय, पर्यटन, उद्योग तथा सहकारी मन्त्रालय र वन तथा वातावरण मन्त्रालय गरि ३ मन्त्रालय परेको थियो l

यसरी गत माघ २६ गते प्रदेश सरकारको खानेपानी, ऊर्जा तथा सिँचाइ मन्त्री नियुक्त भएका उद्धव थापा ४७ दिन मन्त्रीको जिम्मेवारीमा रहे भने डम्बर बहादुर तामाङ र राजु विष्ट ३२ दिन मात्र जिम्मेवारी सम्हाल्ने अवसर पाए ।

संयुक्त रुपमा बुझाइएको राजीनामा पत्रमा भनिएको छ, ‘हालै विकसित राजनैतिक घटना क्रमका कारण हामी तीनै जना मन्त्रीहरुले संयुक्तरुपमा राजिनामा पेश गर्दछौं । हाम्रो राष्ट्रिय प्रजातन्त्र पार्टीले यस (तपाईंको) नेतृत्वमा रहेको सरकारलाई दिंदै आएको समर्थनसमेत आजैका मितिबाट फिर्ता लिएको जानकारी गराउँदछौं ।’

शनिबार दिउँसो संघमा राप्रपाले सरकारलाई दिएको समर्थन फिर्ता लिंदै मन्त्री फिर्ता बोलाएको थियो । संघका मन्त्रीले पनि शनिबार नै राजीनामा दिइसकेका छन्