अर्बपति लगानीकर्ता जर्ज सोरोसले भारतीय प्रधानमन्त्री नरेन्द्र मोदीको आलोचना गरेका छन र उन्को टिप्पणीले भारतमा विवाद निम्त्याएको छ ।

९२ वर्षीय लगानीकर्ता र परोपकारी सोरोस यस प्रक्रियाबाट भारतीय सरकारलाई चिढ्याएका छन् l

सोरोसले २०२३को म्यूनिख सुरक्षा सम्मेलनको भाषणमा गौतम अडानी र मोदीसँगको कथित सम्बन्धबारे सर्ट सेलर हिन्डरबर्ग रिसर्चको रिपोर्टको उल्लेख गर्नुका साथै उनले भने “मोदी यस विषयमा मौन छन्, तर उनले विदेशी लगानीकर्ता र संसदका प्रश्नहरूको जवाफ दिनुपर्नेछ”।

उनले अगाडी भने “यसले भारतको संघीय सरकारमाथि मोदीको पकडलाई निकै कमजोर बनाउनेछ र अति आवश्यक संस्थागत सुधारका लागि ढोका खोल्नेछ । म अज्ञानी हुन सक्छु, तर म भारतमा लोकतान्त्रिक पुनरुत्थानको आशा गर्दछु, “

सोरोसको यो बयान पछि भारातमा निकै टिका टिप्पणी भएको छ l सरकार पक्षले यो भारतको लोकतन्त्र माथिको हमलाको संज्ञा दिएको छ l भारतीय विदेशमन्त्री एस जयशंकरले अर्बपति लगानीकर्ता जर्ज सोरोस वृद्ध, धनी, विचारशील र खतरनाक भएको बताएका छन् ।

तेसैगरी केन्द्रीय मन्त्री स्मृति इरानीले अर्बपति जर्ज सोरोसले भारतको प्रजातान्त्रिक प्रक्रियालाई कमजोर बनाउन खोजेको आरोप लगाएकी छन् ।

जर्ज सोरोस, (जन्म अगस्ट १२, १९३०, बुडापेस्ट, हंगेरी), हंगेरीमा जन्मेका अमेरिकी फाइनान्सर, लेखक, परोपकारी हुन् र उनि लगानीकर्ताको रूपमा विश्वको सबैभन्दा धनी व्यक्तिहरूमध्ये एक बने l उन्को सम्पूर्ण खरबौ डलरको सम्पति लाई उनकै नेतृत्वमा ओपन सोसाइटी फाउन्डेसन मार्फत अभिव्यक्ति स्वतन्त्रता, जवाफदेही सरकार र न्याय र समानतालाई बढावा दिने समाजका लागि लडिरहेका विश्वभरका व्यक्ति र संस्थाहरूलाई समर्थन र लगानी गर्दछ ।