शनिबार, फागुन १३, २०७९ ll सुक्रबार भारतीय प्रधानमन्त्री नरेन्द्र मोदीले विश्व अर्थतन्त्रमा स्थायित्व, विश्वास र वृद्धि कायम गर्न विश्वका अग्रणी अर्थतन्त्र र मौद्रिक प्रणालीका संरक्षक जी–२० का सदस्य राष्ट्रहरु निर्भर रहेको बताएका छन् । प्रधानमन्त्री मोदीले यो काम सजिलो नभएको पनि बताए ।

भारतले जी–२० को १८औं संस्करण ९ देखी १० सेप्टेम्बर २०२३ मा दिल्लीको प्रगति मैदानमा आयोजना आयोजना गर्दै छ l

मोदीले कोभिड महामारीको प्रभावबाट गम्भीर आर्थिक कठिनाइका बीच अन्तर्राष्ट्रिय वित्तीय संस्थाहरूप्रतिको विश्वास घट्दै गएको र यसको आंशिक कारण अन्तर्राष्ट्रिय वित्तीय संस्थाहरूले आफूलाई सुधार गर्न ढिलो गरेकाकारण भएको बताए। उनले जी–२० का अर्थमन्त्री र केन्द्रीय बैंकका गभर्नर को पहिलो बैठकमा भिडियो सन्देशमा बाट उद्घाटन भाषणमा उक्त कुरा बताएका हुन् l

प्रधानमन्त्री मोदीले धेरै देशहरू, विशेष गरी विकासशील अर्थतन्त्रहरूले अझै पनि यसको असरको सामना गरिरहेको बताए। विश्वका विभिन्न भागमा बढ्दो भू–राजनीतिक तनाव पनि हामीले देखिरहेका छौं । विश्वव्यापी आपूर्ति शृङ्खलाहरूमा व्यवधानहरू छन्,” उनले भने । विश्वका विभिन्न भागमा बढ्दो भू-राजनीतिक तनाव पनि हामीले देखिरहेका छौं । विश्वव्यापी आपूर्ति शृङ्खलामा अवरोध हरू छन्,” उनले भने।

प्रधानमन्त्री मोदीले जी–२० का सदस्य राष्ट्रले भारतीय अर्थतन्त्रको जीवन्तताबाट प्रेरणा लिने विश्वास व्यक्त गरे । उनले भारतीय उपभोक्ता र उत्पादकहरु भविष्यप्रति आशावादी र विश्वस्त रहेको र सदस्य राष्ट्रहरुले विश्व अर्थतन्त्रमा पनि यस्तै सकारात्मक भावना प्रवाह गर्न सक्षम हुने विश्वास व्यक्त गरे ।