बिहीबार,फाल्गुन ११, २०७९ ll आज बिहिबार उपप्रधान एवं भौतिक पूर्वाधार तथा यातायात मन्त्री नारायण काजी श्रेष्ठ, नेपालका लागि चिनियाँ राजदुत छन सङ, काठमाडौं महानगरपालिकाका मेयर बालेन्द्र साह, नेपाल विद्युत प्राधिकरणका कार्यकारी निर्देशक कुलमान घिसिङसहितको टोलीले कलंकी-महाराजगञ्ज सडक खण्डको स्थलगत निरीक्षण गरेका छन्।

अवलोकनपछि सञ्चारकर्मीहरूसँग कुरा गर्दै मन्त्री श्रेष्ठले दोस्रो खण्डको चक्रपथ बिस्तार अब चाँडै सुरु हुने सहमति भएकाले बताए।

उपप्रधानमन्त्री श्रेष्ठले कलंकी-कोटेश्वर सडकखण्ड बनेको लामो समयसम्म पनि कलंकी-महाराजगञ्ज सडक निर्माण नभएको भएपनि अब भने तत्काल काम सुरु गर्ने तयारी रहेकाे पनि बताए।