डिआइजी अशोक सिंहको राजीनामा आयो

In Headlines
February 22, 2023
Sushil Paudyal

बुधबार, फागुन १०, २०७९ ll जन्ममितिमा विवादमा तानिएपछि नेपाल प्रहरीका नायब महानिरीक्षक (डिआइजी) अशोक सिंहले आज प्रहरी प्रधान कार्यालय पुगेर राजिनामा दिएका छन l

उनी आगामी चैत ११ गतेपछि हुने नेपाल प्रहरीको नयाँ प्रहरी प्रमुख, प्रहरी अतिरिक्त महानिरीक्षक (एआइजी)का रूपमा दाबेदार थिए।

उनले उमेर सच्याएर प्रहरीमा भर्ना लिएको भन्दै अख्तियार दुरूपयोग अनुसन्धान आयोगमा उजुरी परेको थियो। उनी २०५१ चैत ५ गते प्रहरी निरीक्षक पदमा नियुक्त भएका थिए। २०४२ साल जेठ २२ गते नागरिकता प्रमाण पत्रमा उनको उमेर १८ वर्ष छ। तर उनको शैक्षिक प्रमाण पत्रमा जन्म मिति १६ पुस २०२५ उल्लेख छ ।

उनीसहित १७ जना गत असार ८ गते एसएसपीबाट डिआइजीमा बढुवा भएका थिए। उनी बढुवा हुनुअघि नै उमेर हद पुगिसकेको थियो।

अहिले रिक्त रहेको ५ एआइजीको बढुवाको लागि प्रतिस्पर्धीसमेत रहेका उनले राजीनामा दिएका हुन्। उनी सुदूरपश्चिम प्रदेश प्रहरी कार्यालयका प्रमुख थिए।

तपाईंको प्रतिकृया